EeB espaço visual-metafísico

Dizia o poeta "caminante no hay camino, se hace camino al andar". Essa asseveraçom poderia dar sem dúvida para um largo e interessante debate. Por umha parte faz-nos pensar que nom existe o destino, o terrível fado pseudo-divino (?) que nos dirige ao seu antolho, como marionetas dum espectáculo, por vezes, anódino (quando nom directamente absurdo).

De outra banda, pensarmos que o ser humano é tam autónomo e perspicaz como para idear ou planificar sempre o seu próprio futuro, sem termos em conta as experiências vividas e os exemplos doutros que já defrontarom anteriormente os mesmos problemas vitais que se repetem ciclicamente com o decorrer dos anos, semelha um tanto ambicioso demais e até resulta incluso um algo atrevido.

Eu gosto de pensar em termos intermédios (há quem diz que no termo meio está a virtude. Nom sei... que mais tem!). Desta maneira, cada um/ha de nós teria a opçom de escolher o seu próprio destino, mas matizado e restringido polas experiências próprias e as alheias (nom sempre necessariamente próximas, claro está). Já que logo, todos/as podemos escolher cara a onde imos, mas entre um número, mais ou menos elevado, de opçons (potencialmente) possíveis conforme a umha série de variáveis (idade, educaçom, estrato social, ideário vital, escala de valores, etc.).

Em conclusom, quanto maior e mais perfeita for a percepçom do caminho (na sua totalidade -já for o dito caminho real, virtual ou apenas intuído-), mais bifurcaçons toparemos e mais rica será a escolha (o abano de possibilidades aumenta, nom é?). Assim que cumpre atendermos os sinais que de contínuo se nos apresentam (sobretodo os que nom saem no mapa)...

Ou que? Porque se é que o caminho se faz ao andarmos, como é que pode logo nom existir? Nom é isso, de facto, umha contradiçom?



Saúde e boa fim-de-semana!

"Mamentos" musicales

Frikismo puro...


EeB espaço visual



Umha traduçom exacta da letra seria prezada
(Lyrics would be appreciated)
[Fotografia modificada a partir da original de Chromasia]

EeB espaço literário

Poema-denuncia uni-sex con gracia neutra (exp. 01/2009)

Soy moderno/a
y sé juntar palabras
de una manera nueva
(como hacían mis abuelos).
Ahora en negrita:
NOCILLA CON GAMBAS EN PAN DE AYER,
ZAPAS VICTORIA© CON CERA DERRETIDA
Y UNA PUTA ROSA NEGRA (60 €),

LEVI'S© "MEJORADOS" CON SANGRE
Y LÁGRIMAS DE PERRO ABANDONADO,

TANGA DE SERPENTINA,
TATUAJE CON TINTA DE KALIMOTXO
EN EL CUELLO Y/O TOBILLO
,
UN CONDÓN EN CADA OREJA
(¿SI ME DUELE SOY JESÚS?)

Y UN PEINADO QUE COPIASTE DE UNA FOTO
DE TU MADRE EN UNA COMUNIÓN.
¿Y entonces?
(...)
Por cierto,
te has olvidado de votar por ese fulano lobotomizado de GH
mientras inhalabas seguridad en tí mismo/a
y se te ha pasado el plazo (todos).
¿Y ahora?
(...)
Y si no te importa nada ni nadie,
¿para qué te vistes?

[Destilo sabedoria -metafórica, irónica e empiricamente-]

(Re)volve o Sr. Professor (1.ª quenda de 2009)

Por fim, logo de umha interminável espera, volve o Sr. Professor, com moita energia e imensas ganas. O edifício que se poder ver na imagem vai ser o meu "lar", profissionalmente falando, no próximo mês e meio aproximadamente: a excelentíssima Deputaçom da Corunha.

A primeira impressom (hoje foi o primeiro dia de curso) foi moi satisfatória e gostei moito da disposiçom do meu alunado. Tem todo moi boa "pinta".

Todo o mundo a desfrutar e aprender com o Sr. Professor!

Saúde e boa semana para tod@s!

A carreira eleitoral

O vindouro 1-M VOTA!!:
PEPCA (Partido dos Elefantes com Pára-águas e Cerveja Anarquista)
O PEPCA, ante a crescente escalada de atraso mental e a manifesta decadência político-económica do nosso país, apresenta-se ante vós como a soluçom mais ridícula e pseudo-religiosa possível.

O PEPCA, partido de recente criaçom fundado nas doutrinas mao-tsetungisto-leninisto-aznaristo-espinetistas, nasce assim na procura de criar um espaço próprio que nem os tórridos delírios castelao-murguianos chegariam nunca a alviscar na nossa terra.

É objectivo fulcral do PEPCA resolver a incompetência amplamente testada dos partidos da naçom e quer agir, nomeadamente, contra a política spielgberiana de feitos inverosímeis do P$OE-de-G-E$P, a ambiguidade chauvinisto-autonomista do BNG(aliza/alicia) do país das maravilhas upegalho, o abominável choqueirismo minifundista pró-caciquil do PePe e as demais variadas mostras de lampantinismo grosseiramente radical-ridiculistas encarnadas nos simpaticamente bêbedos portadores de casacas com cotoveleiras de EU-IU, os radicalmente contra-todo-dios-e-anti-eles-próprios de NÓS-UP/7UP, os pantasmagóricos "come-bolsas" satélites UPyD(emagogia) nom-nos-importamos-da-vossa-identidade, os anteriormente conhecidos como (?) agora conhecidos como TeGa ou PdeG(ato), o esmolante partido pró-aderência PG(onadista) e outros projectos humorístico-banqueiros.

Para conseguir o teu voto, amig@ filh@-de-umha-puta-sidosa, o PEPCA oferece-te o seguinte programa político-ecomico, alicerçado num decálogo de moito caralho moi ambicioso:

1 Elefantes em todos os fogares e/ou galpons, de balde e sem gastos de envio.
2 Pára-águas gratuitos para protegeres os magníficos elefantes da chúvia e do câmbio climático e para recolheres larpeiradas nas cavalga(s)tas de Reis.
3 Agasalho indiscriminado de colecçons de Micromachines "tuneados" Carvalho & Costa-da-Morte (Death Coast) Style (se nom som Micromachines, nom som os autênticos -asseveraçom de Perogrulho, porque se nom som esses, evidentemente nom podem ser os autênticos porque já se dijo quais eram os que valiam com anterioridade).
4 Cocaína a ex-puertas (família do ínclito jogador al-andalusista incluída).
5 Dobragem inglês-espanhol-galego-chinês-ugandês-korunho-galego com gheada para todas as películas de Steven Seagal, em consonância com o multilinguismo harmónico-aniquilista que propugna o nosso partido.
6 Vivendas de balde para os ciganos... espera... ouve! Isto já se fixo! Caghonacona! Menos MDMA(M.A.) e mais trabalhar no compromisso do partido, Maricha!
7 Um Audi A8 (prazos) para que podas ir como Touzinho pola rua (dando vergonha ao falar em dialecto simpático).
8 Umha planeadora por unidade familiar, para ires de fim-de-semana a Vilagarcia de Arousa a salvaguardar o tópico: umha família, um traficante. Droja iacta est!
9 Um "adegom" pintado por Santiago Pemán com os seguintes elementos: três patacas, um iogurte Clesa, um tetrabrick de Feiraco (leite inteiro -que vai sem abrir, vaia!-), um feixe de grelos, umha foto de Gayoso e Super-Pinheiro fodendo com Ana Kiro (antes do cancro, nom somos um partido desses morbossos como AU.TO.NO.MO.) "en plan" trio homossexual (porque aí ou som todos homens ou todas mulheres, nom há outra opçom), uma lâmpada de 40 watts Leader Price, um documento que acredita seres o/a legítimo/a possuidor/a de meio ferrado de monte numhas coordenadas encriptadas que há que descifrar (e provavelmente perder a vida no intento), um lote de chouriços, um queixo do país (do que for), umha dúcia de ovos, um foucinho já usado assinado por Rocío Dúrcal, Rocío Jurado e Paloma San Basilio e um vídeo de "Os Tonechos" em MPGE-2 baixado do Youtube.
10 Galescolas equipadas com bolas-chinesas anti-crise (los maricones imberbes de hoy serán los hijos de puta depilados del mañana).

Recorda, o vindouro 1 de Março vota no nosso partido!, vota no PEPCA e entenderás o verdadeiro significado da nossa máxima: "Faças o que faças, fai-no sempre a puto fuego".

Como dixo Manuel Fraga: "Padejando petróleo nom som moi eficiente, mas se for necessário faria-o" (venres 22 de Novembro de 2002, 9 dias despois da catástrofe do Prestige). O PEPCA, superando o compromisso ético-cívico que caracterizou sempre o nosso gram presidente ("Deixei tirados uns amigos que iam numha partida de caça e vim-me de Madrid sem comer" -sábado 23 de Novembro de 2002, 10 dias despois da catástrofe do Prestige-) promete, com o seu honor como prenda, que nunca deixará de lutar por Galiza e que sempre haveremos de comer antes de afrontar qualquer problema que tenha esta paifoca naçom bananeiro-caciquil do caralho maravilhosa terra.

Podes-te afiliar ao PEPCA deixando os teus dados persoais no formulário de comentários habitual. Toda ajuda e/ou bocadilhos de lacom ['leikon] som bem-vindos.

NOTA: Valem dados falsos, só queremos os teus ouros (€).

Fotografias que mudarom o mundo

Há um tempo (com certeza muito mais do que eu próprio penso) que nasceu na rede um projecto que tenciona recompilar as fotos mais sobranceiras dos dous últimos séculos de história contemporânea.

A compilaçom, que segue aberta às contribuçons de qualquer persoa interessada em achegar as suas sugestons, actualiza-se semanalmente e recolhe momentos sem dúvida importantes e/ou significativos da história recente do planeta.

O que me parece mais significativo desta colectânea, quitando o enorme interesse que tem em si própria esta iniciativa tam sucinta e evocadora, é a enorme representatividade que tenhem nesta recolheita de instantâneas as estampas bélicas, profundamente tristes, de humilhaçom e deturpaçom da raça humana, que ocupam boa parte do total (acho que quando menos o 50%, se nom mais). E o pior do assunto é que todas e cada umha das fotografias recolhidas representam verdadeiramente, sem paliativos, o legado do ser humano nos últimos 100 anos fundamentalmente.

Parece-me verdadeiramente trágica a história que deixamos, difícil e esgrévio o caminho que estamos a percorrer e tristemente preto o futuro que assim havemos de enxergar.

Tanto custa fazer bem as cousas? Ou quando menos fazê-las inócuas para o resto do mundo, hostia!

Outros enlaces relacionados

Photoblog Awards 2008

Chema, aluno de secundária

Com todo o meu afecto, para os admiradores confessos (e anátemas a um tempo) de Chema: Marquinhos e Sole. Saúde e umha forte aperta para as terras alacantinas!

EeB espaço cinematográfico

Pronto em cinemas e fogares de jubilados

Designed by Posicionamiento Web | Bloggerized by GosuBlogger