Mostrar mensagens com a etiqueta fotografia. Mostrar todas as mensagens
Mostrar mensagens com a etiqueta fotografia. Mostrar todas as mensagens

Digam Pataca, tololos!

O meu com a fotografia é um idílio um tanto estranho. Gosto de visionar de quando em vez fotoblogs, som assíduo aos que ganham os prestigiosos prémios que anualmente concede CoolPhotoblogs.com e dos que já vos tenho falado noutras ocasiões: os Photoblog Awards, e mais nom é a primeira vez que vos falo de exposições e certames desta verdadeira arte da representaçom, tanto da objectividade como da subjectividade.

Ainda assim levo perdidas, até a altura, várias exposições que me chamaram a atençom no seu momento. Venhem-me à memória uma mostra fotográfica dum rapaz francês sobre A Corunha ou a exposiçom que comemorara o centenário da RAG, que de tanta polémica e rejeiçom que sementa acabei por nom ir ver e assim alguma mais que nom lembro, mas estou certo que a oportunidade passou como passam tantos minutos a deshoras no dia a dia.

Assim que venha! aqui vai outro poste sobre fotogragia, com o galho dos prémios anuais outorgados polo National History Museum e a BBC Wildlife Magazine londinenses: os Wildlife Photografer of the Year.

Este ano a fotografia que resultou ganhadora tem moito a ver com um hábitat que aos galegos e às galegas nos pode ser familiar: o território do lobo ibérico, tristemente em perigo de extinçom também no médio natural galego (e digo "pode" porque vaia... porque é evidente, nom?). A foto de José Luis Rodríguez fala por si própria:

Já que logo, com o pretexto que este galardom me outorga, aproveito para dar-vos a conhecer outras exposições que poderemos visitar proximamente no nosso país e que espero, esta vez sim, poder visitar para o desfrute do meu cérebro (que nom em vão tem o controlo dos meus olhos):

Ruth Matilda Anderson. Unha mirada de antano. Sede Fundación Caixa Galicia da Corunha, do 30 de Outubro de 2009 ao 28 de Fevereiro de 2010. Mais informaçom nesta ligaçom.

Miradas. Galicia ata 1975. Sede Fundación Caixa Galicia de Pontevedra, do 22 de Outubro ao 30 de Março de 2010. Mais informaçom nesta ligaçom.

Pois venha! A ver se desta vez pode mais o tempo empírico ca o tempo meditativo.

EeB espaço visual



Umha traduçom exacta da letra seria prezada
(Lyrics would be appreciated)
[Fotografia modificada a partir da original de Chromasia]

Fotografias que mudarom o mundo

Há um tempo (com certeza muito mais do que eu próprio penso) que nasceu na rede um projecto que tenciona recompilar as fotos mais sobranceiras dos dous últimos séculos de história contemporânea.

A compilaçom, que segue aberta às contribuçons de qualquer persoa interessada em achegar as suas sugestons, actualiza-se semanalmente e recolhe momentos sem dúvida importantes e/ou significativos da história recente do planeta.

O que me parece mais significativo desta colectânea, quitando o enorme interesse que tem em si própria esta iniciativa tam sucinta e evocadora, é a enorme representatividade que tenhem nesta recolheita de instantâneas as estampas bélicas, profundamente tristes, de humilhaçom e deturpaçom da raça humana, que ocupam boa parte do total (acho que quando menos o 50%, se nom mais). E o pior do assunto é que todas e cada umha das fotografias recolhidas representam verdadeiramente, sem paliativos, o legado do ser humano nos últimos 100 anos fundamentalmente.

Parece-me verdadeiramente trágica a história que deixamos, difícil e esgrévio o caminho que estamos a percorrer e tristemente preto o futuro que assim havemos de enxergar.

Tanto custa fazer bem as cousas? Ou quando menos fazê-las inócuas para o resto do mundo, hostia!

Outros enlaces relacionados

Photoblog Awards 2008

Feísmo lucense

Esta fim de semana o COAG de Lugo vem de elixir as imagens ganhadoras do III Concurso Fotográfico de Desastres Arquitectónicos dessa mesma província.

E eu, que som um grande admirador dos logros arquitectónicos da nossa terra, dou-lhes as graças aos arquitectos e arquitectas do Colégio luguês por convocarem estes prémios e permitirem-nos desfrutar de grandes mostras de cacicadas galegas.

Achego-vos a fotografia que recebeu o primeiro prémio:


Título: "Medrou xunto a casa dos abós" de Miguel Ángel Fraga Vila, tomada no lugar de Agruñá (concelho de Friol).

Podedes ver as restantes fotografias que resultarom ganhadoras nesta ligaçom.

Também podedes consultar as imagens vencedoras do concurso paralelo convocado polo próprio COAG luguês, o III Concurso Fotográfico de Acertos Arquitectónicos, para relaxar um pouco a mente e pensar que nom é todo asneiras na Galiza... Tendes as devanditas estampas na seguinte ligaçom.

Todo isto do feísmo é o que se passa quando manda o paisano que só quere rematar o trabalho quanto antes para ir tomar o vinho de rigor...

Fotografia recolhida do Concurso de Fotografia Anecdótica da infelizmente desaparecida página de Aduaneiros sem Fronteiras.

Outro dia ponho-vos mais mostras, há cada burrada...

Designed by Posicionamiento Web | Bloggerized by GosuBlogger