Uma outra asneira co-financiada por todas as persoas que marcam o espaço dedicado à promoçom e ao mantimento da confissom católica (e ainda por quem nom o marcam, pois afinal o ignominioso concordato coa Fanta Sé^® -que em Espanha se rege polos acordos de 1979!- encarrega-se de completar os possíveis "vazios" existentes).

Como mola dilapidar os dinheiros que nom som de um!

NOTA: Dados da última declaraçom da Renda (exercício de 2008). A igreja aumenta em case 500.000 as suas asignaçons através da Fazenda pública, elevando-as a case 7.000.000 para um total de 241,3 milhons de ouros (€).

Despois vemos como estes da CEE nom param de "protestar" (eles gostam mais do eufemismo "posicionar-se") contra o governo, quando foi precisamente o P$OE quem lhes subiu a percentagem de asignaçom (do 0,52% ao 0,7% -acrescentando-lhes o IVE como novidade, claro!... já vemos o mal que lhes foi: no exercício anterior tiraram 173,8 milhons de ouros-).

NOTA #2: Por certo, grande o cartaz de Mario Morales:

-Oíches, Manolo! E logo aquelas pedras que se ven alá... el non serán algo valioso deso... non?
-Arredemo, Pepe! Non creo que se poñan a construír(e) enriba dalgo que teña algún valor, ho! Eso está mais que mirado... seguro ademais!
-Bueno, se tu o dices... e mira que me soa a min que os penedos eses tiñan algunha historia, pero bueno, vai tu saber...
-Bueno carallo bueno! Nin que che foran decir de donde vés!

-Si home si, ben sei que tes razón pero inda así, é que me dá algo na cabeza... non sei... eu creo que a miña nieta tuvo que facer un traballo dos penedos eses pr'o instituto, que andivo dúas semanas toleándonos na casa co demo do conto ese! Que si te acuerdas abuelo daquelo, que si sabes canto tempo levan alá postas... unha tolería!
-Déixate de lerias e vamos tomar un viño, ho! Ademais hoxe botan aos Tonechos i eses si que che saben de cultura gallega e a hostia santa, con perdón... así que pregúntalles a eles ou, se non, ao Galloso, que tamén é un lambón de moito carallo! Hahaha!

O amigo F. (11/03/2009): «A gente quer umha "amabilidade lingüística"»

O sofisma (deduzível) é (e logo podia ser doutra maneira?) brilhante: "A política deve atender os "problemas reais" da gente, assim que devemos confiar no seu critério para conseguir a excelência".

1 Eu só lhe queria dar de comer ao gato
2 Tranquilo, já o aparco eu
3 Jornada de portas abertas em Iberia: "Guia-o tu"
4 Comité cidadão para a construçom de canais e pontes
5 Podo levar um cacho o temom?
6 Deixa, deixa! Já levo eu o barco ao peirao
7 El gallego hay que estudiarlo como lo que es: una lengua preciosa

Hoje inauguramos secçom no EeB: «Las mágicas aventuras de Sr. Cactus».

De aqui em diante cada venres sairá publicada no EeB uma nova banda desenhada deste simpático personagem, que pronto se fará com os coraçons dos/as leitores/as dum espaço que cada vez tem menos de "branco", nom si?

Saúde e boa fim-de-semana!



(Se tendes problemas na visualizaçom das vinhetas, fazede click no título e entrade directamente)

A criaçom e proliferaçom de novas cervejas sempre é um motivo de ledícia para quem gostamos deste sonado elixir, saboroso e reconfortante como poucos, elaborado já desde moi antigo na humanidade. Há incluso quem sustém a ideia de que chegou a ser fundamental na mudança dos hábitos do ser humano que se operou aló polo neolítico (com a passagem naquela altura, que resultou de importância fulcral, do nomadismo ao sedentarismo; o que se deu em denominar "a revoluçom do neolítico").

Doutra parte, todavia há muitas falsidades ou meias-verdades que arrodeam o seu consumo, prejuízos que, em nom pouca medida, ainda ficam por resolver satisfatoriamente; porém, também há moitas vozes de cientistas que defendem as suas bondades com veemência.

Também som conhecidas as celebraçons que se tenhem criado arredor do seu consumo e exaltaçom, entre as quais destaca sobremaneira o Oktoberfest muniquês, que congrega desde há case dous séculos (este ano é a 176ª ediçom) centos de miles de persoas.

Já que logo, o feito de que pequenas fábricas de cerveja saiam saiam à luz e dem a conhecer o seu produto nom deixa de ser umha boa nova. Este é o caso da fábrica de cervejas pontevedresa San Amaro, que começa a abrir-se passo entre as persoas consumidoras com a recente criaçom da sua página web (imagem embaixo), onde se podem consultar também os (ainda) poucos locais em que se pode consumir. Assim que já sabeis, a busca-la e a degusta-la!

Saúde!

Magia! Magia! Magia puraaaa!! Acabou-se o de carregar saco de dormir (mais esteira e almofada para nom foder mancar as costas e o pescoço) mentres vai todo a escorregar no caminho a nem se sabe (onde caralho há um sítio para colocar a tenda, arredemo!?). Com o meu recém adquirido Quechua Sleepin'Bed vou dormir como um bebé em todos o festivais e clássicas festas de acampamento.

Quem dixo "é impossível ter todo isso junto num mesmo pacote"? Quem... é... quem? Nem nos seus delírios mais metílicos pudo nunca Gloria Lago, com certeza, imaginar tal cousa...

Vemo-nos na troula raparig@s!

Bem sei que há múltiplas páginas e espaços na rede onde tenhem cabida os concertos mais interessanterrimamente chupidistintos do panorama musical galego e estatal, assim que como é óbvio, nom é esta a pretensom deste poste-agenda. Qual é que é, daquela? perguntareis-vos curioseiramente...

Pois a resposta é simples abondo: quem quer apontar-se com quem isto escreve? Aaaaai! Quanto/a lampantim/a anda solto/a que nem procurar a informaçom quer...

Vamos ver:

MARÇO

Joves 12 (Santiago Distrito Comanche, sala Capitol): Catpeople + Holywater
Estilo: indie/rock/pop
Preço: 12 ouros (€)
Informaçom e compra: www.laboleteria.es, sala Capitol

Mércores 18 (Crunia, Fac. de Informática -Campus de Elvinha-): Twenty Fighters + Holywater + Som do Galpom + Septiembre
Estilo: universitarismo/juvenil/indie/powerpop/hardcore/funky/rap
Preço: entrada livre
Informaçom: www.sanpepe.org

Venres 20 (Crunia, Playa Club): Half Foot Outside + Jugoplastika
Estilo: indie/rock/alternativa/garage
Preço: 8 ouros (€) antecipada (10 € em bilheteria)
Informaçom e compra: www.playaclub.net

ABRIL

Venres 3 (Madrid, Palacio de los deportes): Franz Ferdinand + Mando Diao + Kissogram
Estilo: indie/rock/pop/electrónica/new wave
Preço: 35 ouros (€) + gastos disfarçados de gestom (40 € em total)
Informaçom e compra: bilhetes esgotados em Madrid! (prova na revenda, na compra directa em bilheteria ou nos concertos de Bilbo ou Granada)

Venres 3 (Santiago Distrito Comanche, sala Capitol): 6pm + Niño y Pistola
Estilo: electrónica/indie/pop/acústica
Preço: sem confirmar
Informaçom e compra: sem confirmar (nom perderia este concerto de nom ser porque já tenho os bilhetes para o mini-festival de Madrid. De todas as maneiras os lucenses 6pm repetem junto a The Soulbreaker Company, The Secret Society e Joe Crepúsculo no Campus Rock da Crunia o venres 24 de Abril).

Sábado 18 (Crunia, sede Fundaçom Caixa Galiza): The Wave Pictures
Estilo: pop/indie/folk
Preço: nom disponhível (a página da FCG nom especifica se os bilhetes estam esgotados ou se ainda nom estam à venda)
Informaçom e compra: FCG (Ciclo Vangardas Sonoras)

MAIO

Venres 1 e sábado 2 (Vilagarcia de Arousa, Recinto Exterior FEXDEGA): Festival do Norte
Estilo: gafapastismo/indie/pop
Preço: 20,50 ouros (€) até o 15 de Março (Novo preço: 25,50 € -30 € em bilheteria.- Entrada para só um dia: 17 ouros (€) antecipada e 21 ouros (€) em bilheteria)
Informaçom e compra: www.festivaldonorte.com

*Los Planetas suspendem a actuaçom no Festival do Norte. Podes ler o comunicado oficial da sua discográfica nesta ligaçom (moito "canuto" é o que há parece-me a mim). A organizaçom do festival decidiu a devoluçom dos quartos até o venres 27 de Março, algo lógico considerando que os granadinos eram a banda mais potente do cartel.

Joves 14, venres 15 e sábado 16 (Brighton, UK): The Great Escape
Estilo: indie/pop/rock
Preço: 54,95 £ (algo menos de 60 €)
Informaçom e compra: The Great Escape & The Great Escape Myspace

OUTROS CONCERTOS DE INTERESSE

Joves 30 de Abril (Santiago Distrito Comanche, sala Nasa): Aphonnic + Pülsar + Twenty Fighters
Informaçom: www.desconcierto.com

Sábado 30 de Maio (Vigo, sala Breogain): Pülsar
Informaçom: www.desconcierto.com

[Todos os concertos de Pülsar na gira de apresentaçom do seu próximo disco «Música para animales» no seu renovado myspace]

Venres 4 de Setembro (Barcelona, Estadi Olímpic): Coldplay + banda convidada
Informaçom e compra: www.gamerco.com (só ficam à venda os bilhetes entre 45 e 50 ouros)

NOTA: Esta agenda actualizara-se (ou nom) conforme avancem as semanas ou retroceda o tempo. Porque... o tempo vai cara adiante ou cara a atrás?

Saúde e pitos de mono... hijosdeputatodos.

«A política é a arte de procurar problemas, topa-los, fazer um diagnóstico falso e aplicar-lhe despois um remédio equivocado» (Groucho Marx, adiantando-se um bom feixe de anos à estratégia política alarmista, vazia e inçada de falsidades do PePe, que tantos réditos dá numha sociedade dependente, ideológica e culturalmente colonizada, e negadora de si própria).

DOCUMENTOS-MARCO

As prioridades do amigo F
A liberdade sem matizes do amigo F (atençom aos parágrafos 5.º, 6.º e 7.º: magia pura)
Trainspotting (1996) [adap.]:«É umha merda ser escocês, somos o mais baixo entre o mais baixo, a escória da puta terra, o lixo mais servil, miserável e patético jamais saído do cu da civilizaçom. Alguns odeiam os ingleses, eu nom, só som uns papa-hóstias, estamos colonizados por uns papa-hóstias, nem sequer topamos com umha cultura decente que nos colonize, estamos governados por uns panocos (...) e todo o ar puro do mundo nom mudará as putas cousas.» (curioso paralelismo com uma outra situaçom que me é um algo familiar...)

Saúde e liberdade!